kanavukal

ഗാന്ധിജിയെ ഓര്‍ക്കണമെങ്കില്‍ ഒരു ഗന്ധിജയന്തി വേണം നമുക്ക്. എന്നേ നമ്മുടെ മനസ്സില്‍ നിന്നും, ഭാരതത്തിന്റെ മനസ്സില്‍ നിന്നും ഗാന്ധിജി കുടി ഒഴിക്കപെട്ടു. ഒരു മനുഷ്യന്‍, ഒരു രാജ്യത്തെ ജനങ്ങളെ മുഴുവന്‍ ഒറ്റകെട്ടായി നിര്‍ത്തി, അഹിംസയിലൂടെ  നിരാഹാര സമര മുറകളിലൂടെ  ആ രാജ്യത്തിന്‍റെ സ്വാതത്ര്യം നേടി എടുക്കുക, ആ മഹത്വം മനസ്സിലാക്കാന്‍ കഴിയാത്തത് കൊണ്ടു നമ്മള്‍ കാണുന്നതിനും കേള്‍ക്കുന്നതിനുമെല്ലാം സമരം കൊണ്ടാടുന്നു. ഇവിടെ ഒറ്റകെട്ടായി എല്ലാവരെയും കൊണ്ടു നടക്കാന്‍ ഭരണകര്‍ത്താക്കള്‍ നെട്ടോട്ടം ഓടുന്നു. വീണ്ടും രാജ്യത്തെ അടിയറവു വക്കുമ്പോള്‍, ഇവിടെ ജനങ്ങള്‍ മറ്റൊരു ഗാന്ധിയെ നേതാവായി കിട്ടാതെ, ഈ രാജ്യത്തെ അഴിമതിക്കഥകള്‍ , തമ്മില്‍തല്ലു, കൊലപാതകങ്ങള്‍ , മാഫിയ കൂട്ടുകെട്ട്   കഥകള്‍ കേട്ട് ഒന്നും ചെയ്യാന്‍ കഴിയാതെ  മൌനികളാകുന്നു, പ്രതികരിക്കാന്‍ മറന്നു പോകുന്നു പാവം ജനങ്ങള്‍ . പ്രതികരിച്ചാലും പ്രയോജനം ഇല്ലെന്നു അവര്‍ അറിയുന്നു. ഇവിടെ ഇപ്പോള്‍ എന്തും ആഘോഷങ്ങളാണല്ലോ, അപ്പോള്‍  ആ കൂട്ടത്തില്‍ ഈ ദിനവും നമുക്ക് ആഘോഷിക്കാം.